Yjet e Chelseat janë bërë objektiva të klubeve nga Arabia Saudite.
Qeveria saudite po mundohet ta përforcojë ligën me lojtarë të mëdhenj në mënyrë që ta bëjë këtë shtet si vend të futbollit dhe më pas ta sigurojë organizimin e Botërorit 2030.
Sipas gazetarit sportiv italian Gianluca Di Marzio, Kalidou Koulibaly është bërë objektiv i klubit Al-Hilal, i cili ia ka ofruar ish-futbollistit të Napolit një kontratë trevjeçare me një rrogë vjetore prej 30 milionë eurosh.
Ndërkohë, Hakim Ziyech pëlqehet nga Al-Nassr e Edou Mendy nga Al-Hilal.
Këto klube po i vazhdojnë negociatat me menaxherët e lojtarëve për të arritur marrëveshje eventuale, e më pas të dyja palët do të bisedojnë edhe me “Blues”.
Gjithashtu, në opsion për t’u transferuar në Arabinë Saudite është edhe Romelu Lukaku, ndonëse do ta pëlqente edhe opsionin e vazhdimit të eksperiencës në Inter, ku është i huazuar aktualisht.
