Mbappe nuk është i panjohur për atë që shkruhet në shtyp apo ajo që komentohet në televizion.
Ndikimi që ka në rrjetet sociale gjithashtu nuk humbet tek ai. Atij i pëlqen ky fokus, i mësuar të jetë lajm. Në sytë e shumë njerëzve ai është futbollisti më i mirë në botë, por vetëm një çmim mund ta ratifikojë si të tillë: “I plotësoj kërkesat për të fituar Topin e Artë”, tha ai i bindur pas fitores së djeshme ndaj Greqisë.
Mbappe ka vite që është përfshirë në elitë. Individualisht nuk ka dyshim se është ndër më të mirët.
Ndodh, megjithatë, që me PSG-në të mos ketë bërë atë hapin e pritur me arritjen e Champions League, gjë që ia pakëson disi shanset për t’u kurorëzuar në Teatrin Chatelet, ku zakonisht jepet çmimi. Mbappe e di që është afër, por më shumë merita kanë bërë lojtarët e tjerë: Messi, Rodri, Haaland …
Në çdo rast, Mbappe beson se po merr hapat e duhur për t’u njohur siç e meriton: “Unë mësoj çdo ditë.
Të kem përgjegjësinë e të qenit kapiten i Francës më ka pasuruar. Mundohem të bëj më të mirën për t’i bërë njerëzit krenarë.
Jam në disponimin e duhur për të përballuar këtë sfidë. Ne kemi një grup që dëshiron të fitojë”, ka pranuar ai pas përfundimit të ndeshjes të Francës kundër Greqisë.
