Bernardo Silva pritet të kalojë në Arabinë Saudite, raporton mediumi spanjoll Marca.
Pas disa transferimeve në Arabinë Saudite në moshë të shtyer, tani pritet të vijë një i moshës më të re.
Portugezi është çelësi që hap derën për një dimension të ri në futbollin saudit.
"Një futbollist kyç në Manchester City kampion i Ligës së Kampionëve, kampion i Premierligës dhe kampion i FA Cup, yll i skuadrës portugeze … me pak fjalë, një top 10 i botës që në moshën 28-vjeçare mbush valixhet dhe largohet nga elita evropiane për të udhëhequr elitën saudite”, thuhet në artikullin e Marcas.
