Pas një sezoni premtues nën drejtimin e Erik ten Hag, tifozët e Manchester United po ëndërrojnë që 2023-24 të jetë periudha në të cilin ata të mund të kthehen në rrugën e duhur për të fituar titullin e Premier League.
Por, ndërsa tifozët rritin shpresat e tyre, frika po rritet në aspektin e tregut të transferimeve të kësaj vere, i cili mund të prishë objektivat e Ten Hag për t’i kthyer në krye Djajtë e Kuq.
Kjo për shkak se pronarët aktualë të klubit, Glazers kanë refuzuar të 5 ofertat e Sheikh Jassim bin Hamad Al Thani që dëshiron 100 për qind të klubit.
Por bankieri i Katarit nuk dorëzohet. Ai dëshiron të magjepsë pronarët aktuakë të United me propozimin e fundit prej 6 miliardë paund.
Në këtë situatë kaotike, objektivat e transferimeve nuk mund të arrihen pa para.
Harry Kane dhe Victor Osimen janë objektivi kryesor, por problem është çmimi i lartë.
Edhe Mason Mount është i dëshiruar për trajnerin, por Chelsea e ka refuzuar ofertën prej 50 milion paund të United.
Në portë De Gea ka qenë vazhdimisht në rënie gjatë viteve të fundit.
Ndaj klubi është i gatshëm t'i japë atij një kontratë të re vetëm nëse pranon ulje të konsiderueshme të pagave. Kjo gjë tregon edhe nevojën për një portier te manchester United.
