Real Madridi është në kërkim të pasuesit të Karim Benzema-s.
“Los Blancos” sipas medieve spanjolle, janë duke i monitoruar disa sulmues për të mbuluar hapësirën që ka lënë asi francez.
Harry Kane i Tottenham-it duket i largët, ndërsa Kai Havertz tashmë zyrtarisht është lojtar i Arsenal-it.
Ylli i Interit, Lautaro Martinez thuhet se është opsion i mundshëm për zëvendësuar Benzeman tek Real Madridi.
“Interi duhet të jetë i kujdesshëm ndaj Real Madridit në afatin kalimtar të kësaj verë”, shkruajnë mediet italiane.
Skuadra ‘Nerazure’ synon të shmangë shitjen me çdo kusht të argjentinasit, kartoni i të cilit thuhet se kap shifrën 80 milionë euro.
