Bordeaux blen 'binjakun' e Kvaratskhelias nga kundërshtarët e Tiranës
Pas shpërthimit të Kvicha Kvaratskhelias me Napolin, talentet e futbollit gjeorgjian kanë përfunduar në vëmendjen e klubeve europiane.
Një ndër ta është edhe Zuriko Davitashvili, sulmuesi anësor, për të cilin klubi francez i Bordeaux ka paguar klauzolën për ta transferuar plotësisht në Francë.
Gjeorgjiani ishte pjesë e Bordeaux në huazim me të drejtë blerjeje dhe bëri një paraqitje mjaft të mirë, duke shënuar 7 gola dhe dhënë tre asiste, aq sa mjaftuan që klubi francez të paguajë kartonin e tij te Dinamo Batumi.
Këta të fundit do të përballen në turin e parë eliminator të Conference Leagues me Tiranën, me ndeshjen e parë që do të luhet në kryeqytetin tonë më 13 korrik dhe të kthimit një javë më vonë në Gjeorgji.
