Real Madridi është në kërkim të një sulmuesi pas largimit të Karim Benzema-s.
“Los Blancos” sipas medieve iberike, janë duke e monitoruar sulmuesin kanadez të Lilles, Jonathan David.
23-vjeçari sezonin e fundit tregoj performancë të lartë me skuadrën franceze. David në vitin 2020 iu bashkua Lilles duke shënuar gjithsej 58 gola në 136 ndeshje të zhvilluara.
Krerët e Realit, siç raportohet, tashmë kanë kontaktuar agjentin e lojtarit për të shikuar mundësinë e transferimit të kanadezit në “Bernabeu”.
Skuadra ‘merenguese’ krahas yllit të Lilles, është duke i vëzhguar edhe disa sulmues tjetër.
Trajneri i Realit, Carlo Ancelotti ditë më parë deklaroi se “Realit i duhet një sulmues”.
