Man. Junajtedi e konfirmoi transferimin e Mejson Mauntit nga skuadra e Çellsit.
Junajtedi do t’i paguajë Çellsit plot 65 milionë euro, si dhe gjashtë milionë euro të tjera në formë të bonuseve. Maunt ka nënshkruar kontratë pesë vjeçare me Junajtedin, e cila do ta mbajë atë në “Old Trafford” deri në qershor të vitit 2028, me opsionin për ta rinovuar kontratën e tij edhe për një vit.
Tani është bërë e ditur edhe numri që ylli anglez do ta bartë në fanellën e tij te “Djajtë e Kuq”. Mejson Maunt do të bartë numrin legjendar 7 (shtatë) në fanellën e tij te Junajtedi.
Numri 7 në të kaluarën ishte bartur nga lojtarët ikonik si: Xhorxh Best, Brajan Robson, Erik Kantona, Dejvid Bekam dhe së fundmi Kristiano Ronaldo.
