Davide Frattesi është një lojtar i ri i Inter-it: mesfushori italian është rrëfyer në një intervistë ekskluvize për Inter TV, ku ka shfaqur gjithë vendosmërinë e tij për fillimin e kësj aventure të re.
– Pse zgjodhe Inter-in?
“Mjafton të shikosh përreth për të kuptuar rëndësinë e këtij klubi. Ka nisur gjithçka një vit e gjysmë më parë, kur kam luajtur kundër Inter-it dhe kam mbetur me të vërtetë i befasuar nga stadiumi dhe tifozët. Për mua është një faktor shumë i rëndësishëm, për këtë arsye nuk jam menduar gjatë kur më është dhënë mundësia”.
– Çfarë pret nga kjo eksperiencë dhe çfarë mendon se mund t’i japësh Inter-it?
“Sigurisht shpresoj të fitoj ndodnjë trofe. Unë do të jap maksimumin dhe shpresoj të shënoj ndonjë gol”.
– Ndeshja e parë e kampionatit do të jetë në San Siro kundër Monza-s, një skuadër me të cilën ke luajtur.
“Është një skuadër ku kam lënë zemrën dhe ku kam shumë miq: do të jetë sigurisht një emocion i dyfishtë shumë i rëndësishëm për mua”.
– Çfarë efekti të bën të luash në një stadium si San Siro?
“Ishte i vështirë si kundërshtar, por si futbollist i Inter-it do të jetë një shtysë më shumë. Pres me padurim që të shënoj një gol dhe të festoj para tifozëve”.
