Trajneri i Ludogoretsit, Ivailo Petev, është shprehur i zhgënjyer me paraqitjen e dobët të ekipit të tij ndaj kampionit të Kosovës, Ballkanit të Therandës.
Ballkani ka treguar lojë të madhe, duke triumfuar me rezultat 2:0 ndaj Ludogoretsit, në. takimin e parë të rrethit të parë kualifikues të Champions League.
“Duhet të zbuloj gjithashtu se çfarë ka ndodhur.
Pas minutës 10-15, diçka nuk shkoi.
Kemi bërë gabime jashtëzakonisht të rënda.
Skuadra e Ballkanit kaloi me meritë në epërsi në fund të pjesës së parë.
Ne patëm rastet tona në pjesën e dytë, por në përgjithësi bëmë një lojë të dobët.
Futbolli është lojë gabimesh, 0:2 është rezultat ndaj të cilit duhet të luftojmë me të gjitha forcat”, ka thënë Petev.
“Në pushim donim ta mbanim topin më shumë.
Çdo pasim i tretë ishte i gabuar.
E përgëzojmë Ballkanin, ata luajtën futboll shumë të mirë.
Nuk duhet ta lejojmë në Razgrad.
Natyrisht, ne duhet të punojmë në shumë gjëra”, tha mes të tjera Petev.
