Gurishta shkëlqen në Bullgari!
CSKA 1948 Sofia e Erdenis Gurishtën e ka nisur kampionatin bullgar në mënyrën më të mirë të mundshëm. Bardhekuqtë mposhtën ditën e sotme nënkampionët e Levski Sofias, me rezultatin 1-2 në duelin e vlefshëm për javën e parë.
Vendasit kaluan të parët në avantazh me anë të Rikardinjos, ndërkohë që ekipi i futbollistit shqiptar, përmbysi gjithçka në minutat 41 dhe 80 me golat e Pedrinjos dhe Heliton.
Vlen të theksohet se Gurishta ishte titullar në këtë përballje, duke bërë një performancë fantastike, teksa me ndërhyrjet e tij të sakta dha një kontribut të çmuar në këtë triumf. Në sfidën e radhës CSKA 1948 Sofia do të presë në shtëpi ekipin e Pirinit.
