Kampioni aktual i Kosovës, FC Ballkani, pas eliminimit nga Ludogorets në parakualifikimet për Champions League, tashmë do të kërkojë rezultate të mira në Conference League, aty ku edicionin e kaluar me mjaft sukses luajti në fazën e grupit, që njëherësh ishte arritja më e madhe e një klubi futbollistik nga Kosova.
Humbja nga skuadra bullgare tashmë është arkivuar, kështu që Ilir Daja dhe armata e tij po shikojnë para, pikërisht në kundërshtarin e parë në kualifikimet e rrethit të dytë në Conference League, ku përballë do të ketë kampionin e Irlandës Veriore, FC Larne.
Edhe ky ekip u eliminua nga Liga e Kampionëve, por duke lënë përshtypje shumë të mirë, andaj në asnjë mënyrë Ballkani nuk duhet të nënçmojë kundërshtarin e tij.
Lajm i mirë është që Ballkani do të jetë i kompletuar për ndeshjen e parë ndaj Larne, me disa shqetësime të mbrojtësit Armend Thaqi, i cili kishte stërvitur i diferencuar, por ishte i plotë në stërvitjen e fundit, Nazmi Gripshi është riaftësuar tërësisht kurse Qëndrim Zyba nuk është në 100% e tij më të mirë, por beson shumë se të tretë do të jenë në formacionin startues.
Ndeshja luhet në stadiumin Fadil Vokrri të martën me fillim nga ora 20.45,
