Kukësi ka zyrtarizuar një tjetër afrim në merkaton e verës dhe bëhet fjalë për nigerianin 22-vjeçar,
Gbolahan Salami Mustafa i cili ka firmosur me verilindorët një kontratë 2 vjeçare.
Lajmi është bërë i ditur nga vetë klubi verilindor që paraditen e sotme ka prezantuar futbollistin nigerian që së fundmi ka luajtur në kampionatin e vendit të tij.
"“Futboll Klub Kukësi njofton se mesfushori Gbolahan Mustapha është zyrtarisht futbollist i skuadrës sonë! Futbollisti 22-vjeçar ka firmosur ditën e sotme me klubin tonë një kontratë për 2 sezone , duke u bërë futbollisti më i ri në skuadër.
22 vjeçari, i lindur në Lagos, Nigeri, vjen te Kukësi nga kampionati Nigerian!
Klubi i Kukësit i uron mirëseardhje futbollistit Gbolahan Mustapha dhe shumë suksese me fanellën e skuadrës sonë. Mirësevjen Gbolahan
Skeda e Lojtarit:
Emri: Gbolahan Salami Mustapha
Mosha: 22 vjeç
Kombësia: Nigerian
Pozicioni: Mesfushor/Sulmues Krahu", njofton Kukësi.
