Carlo Ancelotti me shumë mundësi do të largohet nga Real Madrid në fund të sezonit 2023/24.
Trajneri italian do ta marrë drejtimin e Brazilit, ndërsa “Los Blancos” kanë filluar të shikojnë për zëvendësuesin e tij.
Xabi Alonso është kandidati kryesor për ta marrë drejtimin e Real Madrid nga sezoni i ri, derisa trajneri spanjoll po bën shumë mirë në Gjermani me Bayer Leverkusenin.
Xabi Alonso ka folur për interesimin e “Los Blancos”, duke thënë se për momentin është i fokusuar vetëm te Bayer Leverkusen.
“Reali? Të shohim… Tani për tani është më e rëndësishme të mendoj për skuadrën.
Ndihem mirë te Leverkusen, si me ekipin ashtu edhe me drejtuesit. Për mua, e ardhmja nuk është një çështje e rëndësishme për momentin”, deklaroi Alonso.
