Allan Saint-Maximin e ka konfirmuar se do të largohet nga Newcastle pas një oferte nga Arabia Saudite.
Francezi ka postuar një mesazh lamtumire në llogarinë e tij në Instagram, ku ka shprehur lidhjen emocionale me klubin e Premier Leagues.
Sipas raportimeve, ai do t'i bashkohet skuadrës Al-Ahli, e cila për transferimin do t'i paguajë klubit anglez 30 milionë euro.
Qëkur u bashkua skuadrës nga Nice më 2019, Saint-Maximin ka bërë 124 paraqitje për Newcastlen, duke shënuar trembëdhjetë gola.
Deri më tash një listë e madhe e emrave të njohur të futbollit janë zhvendosur në Arabinë Saudite.
