James Rodriguez transferohet në Brazil. Mesfushori i avancuar kolumbian, e kaloi sezonin e fundit në Greqi tek Olympiacosi.
Por u largua nga skuadra nga Pireu gjatë muajit prill.
32-vjeçari ka pranuar ofertën e Sao Paulos, duke firmosur me ekipin e njohur brazilian deri në verën e vitit 2025. James ka një eksperiencë të madhe mbi supe.
Teksa ka luajtur e fituar me skuadra si Real Madrid, Bayern Munchen dhe Porto. Ndërkohë që numëron 90 ndeshje dhe 26 gola me kombëtaren e Kolumbisë.
Sao Paulo do të jetë skuadra e dhjetë në karrierën e lojtarit nga Cucuta. James riniset nga Brazili, aty ku u bë i famshëm nëntë vite më parë.
Luhej Botërori 2014 dhe futbollisti ofensiv shkëlqente me Kolumbinë e tij. Dhe gjatë asaj vere transferohej nga Monaco te Real Madrid për 75 mln euro.
