Trajneri i Viktoria Plzen, Miroslav Koubek, ka thënë se skuadra e tij ka respekt për Dritën po nuk ka frikë.
Ndeshja e parë në Plzen ishte mbyllur me rezultat të barabartë 0:0.
Fituesi i takimit do të kalojë në rrethin e tretë të garës.
Trajneri çek ka folur një ditë para ndeshjes.
“E dimë se çfarë na pret, Drita është një kundërshtar cilësor, këtë e dinim edhe para ndeshjes së parë.
Ne gjithashtu e dimë se nesër do të jetë një mjedis me stuhi.
Respekti dhe përulësia ndaj kundërshtarit po, por frikë jo.
Lojtarët e Dritës kanë eksperiencë me ndeshje të ngjashme, tashmë për të katërtin vit radhazi po luajnë në kualifikimet e Ligës së Konferencës, nuk janë të përulur”, ka thënë ai.
"Ne e komplikuam situatën duke barazuar në shtëpi, por ne do të sulmojmë dhe do të synojmë të mposhtim kundërshtarin".
