Liverpooli dhe Brightoni kanë arritur një marrëveshje për transferimin e mesfushorit, Moises Caicedo.
Liverpooli do t’i paguajë Brightonit plot 127 milionë euro për Caicedon, ndërsa momentalisht ka mbetur vetëm të arrihet edhe akordi personal.
Ndërkaq, marrëveshjen mes klubeve sot e konfirmoi edhe trajneri Jurgen Klopp.
“Unë mund të konfirmojë që marrëveshja është arritur me Brightonin. Me lojtarin dhe agjentët, mbetet të shihet. Testet mjekësore për Caicedon? Nuk mund t’ua them, nuk e di, do të shohim. Klubi e ka zgjatur shumë këtë”, tha Klopp.
Chelsea kaloi tërë natën për të gjetur një zgjidhje për tu rikthyer në bisedime, ndërsa Liverpooli po përgatiste kontratat për tu nënshkruar dhe gjithashtu ka caktuar edhe testet mjekësore.
