Në prag të debutimit në sezonin e ri të Ligue 1 të PSG, rasti Kylian Mbappé po i mban në ankth të madh kampionët francezë.
Ylli i skuadrës, kontrata e të cilit skadon pas një viti dhe i vendosur të qëndrojë në Paris, pavarësisht ultimatumit të klubit se do ta lërë në tribunë, duket i vendosur për t’i marrë deri në qindarkat e fundit paratë sipas marrëbveshjes ekzistuese.
Pa rinovim, klubi dëshiron ta shesë për të mos e humbur falas pas një viti.
Gati për të nënshkruar me sulmuesin 24-vjeçar francez si lojtar i lirë është Real Madridi dhe pikërisht në Spanjë, ku për këtë arsye situata monitorohet nga afër, zbulojnë se cila është shpresa e fundit e PSG.
Në fakt, në klubin parizien ka nga ata që janë të bindur se Mbappé mund të ‘kolapsojë’ disi nesër (e shtunë, 12 gusht), me rastin e ndeshjes së Ligue 1 kundër Lorient në ‘Parce des Princes’, ku PSG mundet të ‘përfitojë’ në një farë mënyre nga protesta e ashpër dhe e zjarrtë e tifozëve, çka pritet kundër tij.
Një klimë që mund ta bindë sulmuesin të rishikojë hapat e tij dhe kështu të kërkojë një mënyrë për ta ndryshuar menjëherë “ajrin”, duke garantuar kështu të ardhura për parizienët.
