Chelsea-Liverpool është supersfida e javës së parë në Premier League. Dueli i zjarrtë i kampionatit anglez, do të transmetohet live në SuperSport 2 (17:30).
Mauricio Pochettino debuton zyrtarisht në stolin e “Bluve të Londrës”. Trajneri argjentinas ka zgjedhur titullarët e përballjes së fortë kundër The Reds.
Plot katër lojtarë do të debutojnë sot me Chelsea: Nicolas Jackson, Robert Sanchez, Levi Colwill dhe Axel Disasi.
Në krahun tjetër, gjermani Jurgen Klopp u ka dhuruar nga një fanellë titullari dyshes Alexis Mac Allister dhe Dominik Szoboszlai. Dy blerjeve cilësore të Liverpoolit gjatë kësaj vere.
