Kampioni i Kosovës, Ballkani i Therandës, me lojëra dhe rezultate të mira, po i bën krenar kudo që jetojnë e veprojnë shqiptarët.
Therandasit shkëlqejnë edhe në Gjibraltar duke i shkaktuar humbje me rezultat 3:1 Lincoln Red Imps, në takimin e kthimit të rrethit të tretë të kualifikueseve për Conference League në futboll.
Kampioni i Kosovës kualifikohet në finale të play - off-it, ku do të kërkojë kalimin për herë të dytë në fazën e grupeve.
Në minutën e 7-të, Nazmi Gripshi i pafat, godet bukur por topi ndalet në tërthorëse.
Në minutën e 48-të, Meriton Korenica në stilin e tij ka realizuar për 0:1.
Në minutën e 64-të, depërtim i bukur i Edvin Kuç, i cili shton epërsinë në 0:2.
Pas dy minutave (66’), vendasit ngushton rezutatin me golin e futbollistit Juampe.
Në minutën e 90+8, Qëndrim Zyba shënon për 1:3.
Ndeshjen e parë Ballkani e ka fituar në Prishtinë, me rezultat 2:0.
