Presidenti i Federatës së Futbollit të Kosovës, Agim Ademi, ka përgëzuar Ballkanin e Therandës, për kualifikim në finalen e play-off-it, me synime që të sigurojnë një vend në fazën e grupeve.
“Kampioni ynë konfirmon kalimin në fazën e “play-off”-it në UEFA Conference League.
Pas fitores në "Fadil Vokrri" 2:0, skuadra e Ballkanit ka shënuar fitore edhe si mysafire ndaj skuadrës nga Gjibraltari, Lincoln Red Imps, me rezultat 3:1, në kuadër të rrethit të tretë”, ka shkruar Ademi.
Numri një i federatës thotë se Ballkani edhe 180 minuta është larg fazës së grupeve.
“Kësisoj, FC Ballkani tani ndodhet në “play-off” dhe e ndajnë 180 minuta për ta përsëritur suksesin e vitit të kaluar dhe për t’u përfshirë në fazën e grupeve të kësaj gare.
Edhe një herë përgëzoj futbollistët e skuadrës portokallezi për lojërat e treguara deri më tani dhe i inkurajoj që të vazhdojnë me përkushtim e këmbëngulje të kërkojnë suksesin e radhës”, ka përfunduar Ademi.
