Suksesi historik i Partizanit, me kualifikimin në fazën “Play-Off” të Ligës së Konferencës, është përshëndetur edhe nga presidenti i FSHF-së, Armand Duka. Nëpërmjet një postimi në faqen zyrtare në “Facebook”, kreu i futbollit shqiptar, uroi “demat e kuq” për kualifikimin.
Sipas Dukës, kampionëve të Superiores, tani i duhet edhe një sforco e fundit, dy finale të vërteta për të regjistruar një tjetër arritje historike, kalimin në fazën e grupeve të këtij kompeticioni.
"Urimet më të mira Partizanit për kualifikimin në fazën play-off të UEFA Conference League!
Tani duhet edhe një sforco e fundit, dy finale të vërteta për të regjistruar një arritje historike, kalimin në fazën e grupeve të këtij kompeticioni.
Një objektiv plotësisht i mundshëm, por që kërkon përqendrim e impenjim maksimal si edhe sakrificë nga të gjithë lojtarët e stafi", ka shkruar Duka.
