Skuadra kombëtare spanjolle është ende në procesin e krijimit të një të ardhmeje të ndritur për veten, me lojtarë që synojnë shumë lart. I fundit nga ata që kualifikohen është Lamine Yamal, perla e re e Barcelonës, që po tejkalon të gjitha pritshmëritë.
Paraqitjet e tij nuk kanë kaluar pa u vënë re nga trajneri i kombëtares, Luis de la Fuente, i cili synon ta thërrasë këtë të premte për ndeshjet kualifikuese të “Euro 2024” në Gjermani, kundër Gjeorgjisë (8 shtator në Tbilisi) dhe Qipros (në Granada, më 12 shtator).
Situata e veçantë e Yamal, i cili gjithashtu mund të luajë për Marokun, çoi në një takim me lojtarin javën e kaluar, për të ditur qëllimet e tij.
Dy persona në krye të strukturës së ekipit, Francis Hernández dhe Vicente Blanco, folën me të dhe familjen e tij në Barcelonë për t’i shpjeguar planin e pederatës. Përgjigja e lojtarit të ri të talentuar ka qenë pozitive.
Yamal i ka thënë “po” Spanjës, duke ndjekur kështu evolucionin që ka ndjekur që kur filloi të thirrej me kategoritë më të ulëta. Lamine ka prekur tashmë tri skalione të kombëtares iberike: U-15 (6 ndeshje dhe 3 gola), U-16 (4/1), U-17 (10/8 dhe nënkampion në Evropë) dhe U-21, ku debutoi duke luajtur 23 minuta kundër Gjermanisë më 25 tetor 2022.
Pra, Yamal do të thirret nga De la Fuente këtë të premte, pas “po”-së së lojtarit. Në çdo rast, thirrja dhe debutimi i supozuar i Yamal me të kuqtë nuk e bën atë lojtar të përhershëm të kombëtares iberike. Një modifikim i rregullit nga FIFA në vitin 2020 i jep lojtarit kohë për të zgjedhur Marokun, i cili po lufton për ta pasur atë në skuadrën e tij.
Rregulloret mbi pranueshmërinë për të konkurruar me një kombëtare të dytë lejojnë ndryshimin për ata që kanë luajtur maksimumi tri herë për të parën përpara se të mbushin 21 vjeç, duke përfshirë ndeshjet kualifikuese.
Në këtë kuptim, rregulli thotë gjithashtu se duhet të kalojë një periudhë prej tri vitesh ndërmjet takimit të tij të fundit me kombëtaren e parë dhe ndeshjes së parë me kombëtaren e dytën. Ka edhe një paralajmërim tjetër: nëse lojtari ka luajtur në një ndeshje të Kupës së Botës, kjo e anulon rregullin në fjalë.
Prandaj, Yamal, në moshën 16-vjeçare, mund të luajë për Spanjën tani dhe deri në moshën 21-vjeçare, nëse nuk i kalon tri ndeshje, më pas të vendosë për Marokun duke pritur tri vite. Është një opsion i çuditshëm, por i mundshëm dhe për t’u marrë parasysh. Në çdo rast, synimi i parë i Lamina është të luajë me kombëtaren spanjolle.
Gjithçka do të fillojë me thirrjen e tij të parë të premten e ardhshme.
