Pasi iu nënshtrua një intervenimi kirurgjik në shpinë pak javë më parë, trajneri katalunas është rikthyer në krye të ekipit të Manchester Cityt.
Kampioni i Evropës me “Citizens” e drejtoi ekipin dhe sot paradite, njofton klubi anglez.
Guardiola ishte detyruar të shkonte me urgjencë në Barcelonë për ta kryer intervenimin kirurgjik.
City ka njoftuar se trajneri i tyre është shëruar plotësisht dhe se mund të rikthehet në bankinë.
Në mungesës të tij, ekipi i ishte besuar asistentit Juanma Lillo, në sfidat kundër Sheffield (2:1) e ndaj Fulham (5:1).
Nëse nuk ndodh ndonjë befasi, Guardiola do të jetë prezent në vazhdimin e kampionatit këtë të shtunë kur kampionët anglezë dhe evropianë do të luajnë në shtëpi me West Ham Unitedit.
Me katër fitore në katër ndeshjet e para të sezonit të ri, Erling Haaland me shokë janë të vetmit në Premierligë që s’kanë lënë t’ju ikën nga duart as edhe një pikë e vetme dhe konsiderohen si favoritë për ta fituar prapë titullin e kampionit në Angli.
