Hajrulla Çeku zbulon projektin përfundimtar për stadiumin e Gjilanit: 15 milionë euro për ndërtimin e tij

Futboll

Hajrulla Çeku zbulon projektin përfundimtar për stadiumin e Gjilanit: 15 milionë euro për ndërtimin e tij

Më: 16 shtator 2023 Në ora: 12:43
Hajrulla Çeku e Alban Hyseni

Më në fund është bërë projekti përfundimtar për stadiumin e qytetit në Gjilan.

Ministri i Kulturës, Rinisë dhe Sportit, Hajrulla Çeku së bashku me kryetarin e Komunës së Gjilanit, Alban Hysenin kanë nënshkruar marrëveshjen për ndërtimin e stadiumit të qytetit i cili është nisur që nga viti 2015.

Janë zotuar për 15 milionë milionë euro shpenzime për ndërtimin e stadiumit.

"Stadiumi i Gjilanit po bëhet

Planifikimi i duhur është thelbësor për suksesin e çdo projekti dhe këtë e kemi bërë me Stadiumin e Gjilanit dhe do të vazhdojmë ta bëjmë me secilin projekt infrastrukturor që e fillojmë. Kështu po sigurohemi se ajo çfarë ka ndodhur në qeverisjet e kaluara të mos përsëritet më.

Projekti përfundimtar i Stadiumit të Gjilanit, i cili mungonte, tash është hartuar dhe i gatshëm për zbatim ndërsa buxheti i nevojshëm për financimin e zbatimit veçse është siguruar.

Në marrëveshjen e sotme me kryetarin Alban Hyseni, zotuam 15 milionë euro për ndërtimin e stadiumit. Procedurat e nevojshme për zbatimin e projektit do të fillojnë menjëherë dhe punimet në tërësi do të nisin sa më parë.

Për shkeljet që janë gjetur në të kaluarën e këtij stadiumi, tanimë të kualifikuara si të tilla edhe nga Zyra Kombëtare e Auditimit, ndaj palëve të përfshira po përgatitet kallëzim penal.

Me vendosmëri po e realizojmë planin investiv për Lojërat Mesdhetare 2030. Po krijojmë një të ardhme më të mirë për sportin!", njofotn Çeku.

comment Për komente lëvizni më poshtë
Sot mund të lexoni Shfletoni kopertinat