Barça shtoi një “qiramarrës” të ri në infermierinë e klubit, ku ende qëndrojnë Pedri dhe Frenkie de Jong. Ky është Raphinha, i cili duhej të largohej nga fusha pas 35 minutash lojë në duelin kundër Sevilla, në një ndeshje që korrespondon me javën e 8-të të La Liga-s.
Anësori brazilian, i cili e filloi si titullar, për të luajtur në repartin e mesfushës që Xavi ngriti kundër skuadrës andaluziane, u largua nga fusha pasi vuri re shqetësim në pjesën e pasme të kofshës së djathtë. Doktor Pruna dhe një fizioterapist e ekzaminuan në fushë, teksa braziliani nuk mundi të vazhdonte më tej.
Raphinha, i cili u zëvendësua nga Fermín, u ul në stol, por me shprehje të dukshme dhimbjeje.
Sipas burimeve nga dhoma e zhveshjes së Barçës, ai ka pësuar një dëmtim muskulor që do ta pengojë të luajë javën e ardhshme kundër Portos dhe Granadës.
Më pas do të ketë një pauzë dy javore për eliminatoret e kombëtareve, në të cilën pritet të rikuperohet në mënyrë që të mund të garojë në “El Classico” më 28 tetor. Sot do t’iu nënshtrohet më shumë testeve mjekësore për diagnostikuar shkallën e saktë të dëmtimit të tij.
