Mrekulli shqiptare në Mal të Zi!
Deçiqi ka shënuar fitore me rezultat 2:0 ndaj Buduçnostit të Podgroicës, në derbin e madh të javës së 11-të të elitës së futbollit malazez.
Skuadra shqiptare nga Tuzi ka treguar lojë të madhe ndaj Buduçnostit.
Një fitore që nuk matet as me ari e djelmoshave të presidentit Pal Dreshaj.
Një fitore që skuadrën nga Tuzi e bën lider të ri të kampionatit të Malit të Zi.
Djelmoshat dhanë maksimumin dhe kjo u shpërblye me fitore të madhe.
“Fitorja e tretë radhazi e Deçiqit që nënkupton edhe një ndryshim në krye të tabelës.
Tuzjanët vazhdojnë serinë në derbi ndaj Buduçnostit, duke fituar me rezultat 2:0.
Buduçnost humbi pas më shumë se dy muajsh (për herë të parë që nga raundi i parë dhe dueli kundër Mladost në DG Arena), dhe Deçiç tregoi se këtë sezon më në fund mund të jetë konkurrent i barabartë për titull”, shkruan media malazeze “Vijesti”.
“Skuadra e Millorad Pekoviqit kurorëzoi hapjen më të mirë të lojës në minutën e 14-të, kur përfaqësuesi i ri Andrej Bajoviq konfirmoi se sa i rrezikshëm është para portës kundërshtare, shfrytëzoi pasimin e Leon Ujkajt dhe në mënyrë rutinore tronditi rrjetën e mysafirëve.
Në pjesën e parë, Podgoricasit kërcënuan dy herë me anë të Vasilij Axhiqit, ndërsa në pjesën e dytë patën rastin më të mirë për të barazuar.
Ata fituan një penallti pasi Axhiq u faullua nga Stefan Miliq, por Velko Batroviq gjuajti lart mbi portë në minutën e 68-të.
Drashko Bozhoviq humbi dy raste të shkëlqyeshme por në anën tjetër për të zgjidhur çështjen e fituesit, diti të shfrytëzoi rastin e tretën, Deçiq fitoi një penallti në minutën e 81-të (faull nga Adnan Orahovac ndaj Darko Zoriqit), dhe ish-mesfushori i Buduçnost nuk gaboi.
Deçiq nuk ka pësuar gol në një seri prej tre ndeshjeve, do të mundohet ta vazhdojë të shtunën e ardhshme në Petrovac", shkruan më tej media malazeze.
Deçiqi kryeson me 20 pikë duke lënë pas Buduçnostin me 19 sosh.
