Borussia Dortmund - AC Milan, është kryesfida e të mërkurës mbrëma në Ligën e Kampionëve!
“Milionerët” e Gjermanisë dhe ‘Rossonerët’ do të përballen në kuadër të xhiros së dytë në Grupin F të elitës së futbollit evropian.
Sulmuesi i Milanit, Olivier Giroud, e ka vlerësuar të vështirë duelin me Dortmundin, por sipas tij, nuk është sfidë vendimtare.
“Liga e Kampionëve është një ndjenjë dhe emocion i veçantë.
Ne duam të bëjmë më të mirën në këtë ndeshje.
Nuk do të jetë ndeshje vendimtare, por është shumë e rëndësishme”, ka thënë Giroud.
“Përvoja është e rëndësishme në ndeshje si kjo. Kemi besim dhe synojmë të bëjmë një ndeshje të mirë”, ka pohuar veterani francez.
