Drita ka marrë fitoren e katërt radhazi në Albi Mall Superligë, teksa ka mposhtur Malishevën 1-3.
Përkundër fitores, trajneri i Dritës, Akis Vavalis është shprehur shumë i pakënaqur me kushtet që ka parë në stadiumin e qytetit në Suharekë.
Ai pas ndeshjes ka thënë se është e pamundur që një skuadër e Superligës të ketë asi kushte në një stadium.
Vavalis është ankuar se në zhveshtoret nuk kishte dusha, ujë dhe toalete për futbollistët.
“E di që Malisheva ka disa probleme me stadiumin, por është e pamundur kur vijmë këtu nuk kemi zhveshtore [normale], kemi një lloj zhveshtore pa dusha, pa toalete, pa ujë. Do të doja që Federata të merrej pak me tepër me këtë”, deklaroi Vavalis.
