Paulo Sousa largohet nga Salernitana. Shkarkimi i portugezit është komunikuar tashmë zyrtarisht.
Drejtori sportiv, Morgan de Sanctis, si dhe disa lojtarë, mësohet se i kanë kërkuar presidentit Daniele Iervolino të ndryshojë planet.
Vendin e Paulo Sousas e merr një emër shumë i njohur i futbollit italian: Pippo Inzaghi. Klubi i Serisë A nuk ka vonuar për të zyrtarizuar ndryshimin e shumëpritur në pankinë.
Salernitana zë vendin e parafundit në Serinë A, me vetëm 3 pikë nga 8 ndeshje. Fitorja e vetme në këtë sezon është arritur në Kupën e Italisë.
