Stephan El Shaaraëy i Romës, Federico Gatti i Juventusit e Nicolò Casale i Lazios.
Këto janë tre emrat e futbollistëve të supozuar fajtorë në vënien e basteve të futbollit, të publikuar ekskluzivisht në një emision televiziv në Itali, nga i njëjti burim, Fabrizio Corona. Ky i fundit këmbëngul, se ka prova të pakundërshtueshme, të cilat do t’i publikojë në ditët në vazhdim. Ndërkohë që rëndohet situata për Sandro Tonalin.
Nëse për Nicolò Fagiolin u dha një skualifikim prej shtatë muajsh dhe 5 muaj dënime alternative për çështjen e basteve, skualifikimi i Tonalit rrezikon të jetë shumë më i gjatë.
Mesfushori i Neëcastle është marrë në pyetje për gati tri orë nga zyra e prokurorisë federale dhe, sipas La Gazzetta dello Sport, ai jo vetëm ka pranuar se ka vënë baste në futboll, por se e kishte bërë një gjë të tillë edhe për ndeshjet e Milanit.
E kjo gjë do ta përkeqësojë shumë pozitën e tij. Nëse bastet për Milanin do të konfirmohen, sanksioni fillestar nga Prokuroria do të ishte më shumë se tre vjet.
Por ky dënim automatikisht përgjysmohet me marrëveshjen e pranimit të fajësisë para-referuese dhe duke pasur parasysh se futbollisti është treguar bashkëpunues, mund të përfitonte sërish nga disa rrethana lehtësuese.
Prandaj dënimi i tij mund të jetë rreth 12 muaj skualifikim në fushë, duke qenë se Tonali ka pranuar gjithashtu se vuan nga varësia ndaj lojërave të fatit.
