Menaxheri i Manchester City-t, Pep Guardiola mendon se homologu i tij i Brightonit, Roberto De Zerbi i ka të gjitha karakteristikat për të qenë një ditë pasardhësi i tij tek kampionët në fuqi të Anglisë.
Stratregu spanjoll është i bindur se De Zerbi do të jetë trajner i ardhshëm i “Qytetarëve”.
“Ai do të jetë trajneri i ardhshëm i Manchester City, jua garantoj këtë gjë”, ka thënë Guardiola, në prag të ndeshjes që skuadra e tij do të zhvillojë këtë fundjavë me Brightonin.
Guardiola e konsideron De Zerbi si trajnerin më të mirë të gjeneratës së tij.
Megjithatë, italiani akoma duhet të presë për të marr ‘timonin’ e Man City-t, pasi që Guardiola me klubin nga ‘Etihad’ ka kontratë deri në verën e vitit 2025.
