Sulmuesi shqiptar Armando Broja raportohet se është gati për derbin e madh në Premierligë të kësaj fundjavë mes rivalëve londinez Chelsea-s dhe Arsenali-t.
“Blutë” e Londrës dhe ‘Topçinjtë’ do të ballafaqohen këtë vikend në një sfidë e cila pritet të prodhojë një ndeshje dramatike, sepse gjithnjë dueli mes këtyre dy skuadrave më nam në ishull, dhuron ndeshje të forta dhe cilësore.
Sulmuesi i Chelsea-s, Armando Broja, i cili ishte larguar nga grumbullimi i Kombëtares së Shqipërisë për shkak të një lëndimi, sipas medieve britanke, është gati për duelin kundër Arsenalit.
22-vjeçari thuhet se është parë të stërvitet normalisht me skuadrën e Maurizio Pochettinos.
Reprezentuesi kuqezi tashmë ka zhvilluar dy ndeshje si titullar me Chelsean që prej rikthimit nga lëndimi dhjetë mujorë.
