Dhimbje kokë për Rafa Benitez. Trajneri i njohur spanjoll mori drejtimin e skuadrës galiciane në 100-vjetorin e krijimit të klubit, por gjërat nuk po ecin mirë.
Skuadra renditet në vendin e tretë nga fundi me 6 pikë të grumbulluara në 9 javë kampionat.
Sikur të mos mjaftonte ecuria negative në La Liga, Benitez ka humbur edhe shërbimet e Joseph Aidoo.
Qendërmbrojtësi ganez i është nënshtruar një ndërhyrjeje pas këputjes së tendinës së Akilit në miqësoren e së dielës Gana-Meksikë, me 28-vjeçarin do të qëndrojë larg fushave të blerta për 6-7 muaj.
Praktikisht sezoni mund të cilësohet i mbyllur për mbrojtësin potent afrikan dhe tashmë drejtuesit e Celta Vigo po presin me padurim merkaton dimërore për të firmosur me një qendërmbrojtës.
