Jesse Lingard raportohet se duhet të presë deri në janar për të nënshkruar me Al-Ettifaq.
Ish-mesfushori i Manchester United është duke u stërvitur me klubin saudite duke impresionuar stafin e trajnerëve.
Trajneri i Al-Ettifaq, Steven Gerrard sipas medieve të huaja, është i etur për ta transferuar atë, por tekniku anglez ende duhet të presë që ta ketë lojtarin në dispozicion.
Ndërkaq, eksperti i transferimeve Fabrizio Romano raporton se Al Ettifaq do t'i ofrojë Jesse Lingard një para-kontratë për vitin 2024 pasi skuadra e tyre është e plotë deri në muajin janar.
“Gerrard dëshiron të nënshkruajë me Lingardin. Ai u stërvit në nivelin më të lartë në Arabinë Saudite. Vendimi përfundimtar do të merret së shpejti nga Lingard”, shkruan Romano.
