Douglas Costa ka përsëritur dëshirën e tij për Juventusin.
Pas intervistës për ‘Tuttojuve.com’, sulmuesi brazilian aktualisht pa ekip ka deklaruar edhe për Fabrizio Romano-n se dëshiron të rikthehet të veshë fanellën bardhezi:
“Do të doja të kthehesha tek Juventus, është ëndrra ime.
Dua të jem një ushtar në dispozicion të Allegrit dhe të ndjej sërish dashurinë e tifozëve të Juventusit”, tha Douglas Costa.
“Menaxheri im është në kontakt me të gjitha klubet e interesuara, përfshirë Juven dhe Arabinë Saudite”.
I datëlindjes 1990, Douglas Costa veshi fanellën e Juventusit për tre sezone përpara se të kthehej në Bayern Munich në fillimin e kampionatit 2020/21.
Në maj 2021 transferimi te Gremio, në Brazil dhe më pas aventura në MLS me fanellën e Los Angeles Galaxy.
