Konferenca për shtyp e cila i paraprin ndeshjes mes Kolumbisë dhe Brazilit (luhet nesër në orën 01:00 të mëngjesit) u kthye në një diskutim I madh se cili mund të jetë “pasuesi” i Neymar ZHuniorit në përfaqësuesen e pesë herë kampioneve të botës.
Edhe pse vetë lojtari nuk ka thënë asgjë mbi planet që ka për të ardhmen duket se në vendlindje po i përgatisin “daljen” nga skena. “Kemi një brez jashtëzakonisht të talentuar dhe shumë prej tyre mund të marrin një ditë rolin e Nejmarit.
Me këtë dua të them se nuk kemi përse të shqetëësohemi, por nga ana tjetër nuk mund të ushtrojmë shumë presion mbi lojtarët pasi është përgjegjesi e madhe. Askush nuk duhet të preokupohet pasi kemi shumë të rinj”, tha Diniz.
Mes të tjerash ai komentoi edhe afrimin e Endrik. Talenti 17-vjeçar i Realit është grumbulluar për herë të parë me ekipin e të rriturve dhe Diniz komenton kështu vendimin e tij:
“Endrik është një lojtar i madh. Ai është këtu sepse ka dhënë atë çfarë më duhet mua në fushë dhe jo për shkak të situatës të tij kontraktuale”..
