Është koha për derbin e qytetit të Gjilanit, apo derbin që ngjall interesimin më të madh në futbollin tonë mes Gjilanit dhe Dritës.
Dy skuadrat e qytetit Gjilani dhe Drita sa herë që përballen mes vete dhurojnë spektakël në fushë, derisa tifozët e tyre ‘Intelektualët’ dhe ‘Skifterat’ përkujdesën për atmosferë elektrizuese në tribuna.
Fatkeqësisht derbi i ditës së sotme do të jetë i zbehtë në tribuna, pasi do të luhet pa praninë e dy tifo grupeve, ndër më të mirat në Kosovë.
Kjo ndeshje do të zhvillohet në stadiumin me bari sintetik në Gjilan, ku do të jenë të pranishme vetëm tifozët e Gjilanit ‘Skifterat’ pasi ky stadium nuk i plotëson kushtet që t’i presë dy palë tifozëri.
Ndeshja e sotme është e 47-ta kampionale mes dy skuadrave, që kanë zhvilluar edhe shtatë përballje në Kupën e Kosovës.
Kjo është përballja e dytë në kampionat për sezonin 2023/24.
Drita ka bilanc më të mirë sa i përket ndeshjeve kampionale, ku ka marrë 17 fitore, 16 herë kanë përfunduar ndeshjet pa fitues dhe 12 fitore ka Gjilani.
