Ceferin bisedë telefonike me Zelenskin: Mbështetje & solidaritet me Ukrainën!
UEFA rithekson edhe një herë mbështetjen dhe solidaritetin e saj ndaj Ukrainës.
Presidenti i UEFA-s, Aleksander Ceferin dhe Presidenti i Ukrainës, Volodymyr Zelensky patën një bisedë telefonike së fundmi, ku ndanë pikëpamjet për çështjet aktuale gjeopolitike dhe sportive.
Presidenti i UEFA-s shprehu mbështetjen dhe admirimin e tij të palëkundur për Ukrainën dhe guximin e popullit të saj në këto kohë të vështira dhe shprehu shpresën për një zgjidhje të shpejtë dhe paqësore që do të sillte stabilitet dhe prosperitet në Ukrainë.
Ceferin gjithashtu i uroi kombëtares së Ukrainës fat për ndeshjet e ardhshme të play-off-it të Euro 2024, njofton FSHF.
