Lajm i “hidhur” për Tuchelin!
Largimi i francezit, Benjamin Pavard i hapi rrugën “promovimit” në pozicionin e tituallarit, marokenit, Noussair Mazraoui, i cili këtë sezon është kthyer në një “gur” të palëvizshëm, në krahun e djathtë të mbrojtjes, së “Baverzëve” të Bayern Munich, me stilin e tij të lojës, që pëlqehet shumë nga teknikut Thomas Tuchel.
Mirëpo, ky i fundit ka marrë një lajm goxha “të hidhur”, në fundin e përballjes, ndaj “Djajve të Kuq”, të Manchester United, me 26-vjeçarin maroken, që i është shtuar holandezit, Matthijs de Ligt, gjermanit Tarek Buchmann e senegalezit, Bouna Sarr, në listën e mbrojtësve të dëmtuar.
Këtë të premte është zbuluar dhe koha e nevojshme, që “pistonit” të krahut të djathtë të mbrojtjes do t’i duhet për t’u rikuperuar, teksa sipas raportimeve më të fundit, të mediave gjermanve, tekniku Thomas Tuchel do të duhet të bëjë pa shërbimet e marokenit deri në muajin shkurt, muaj kur do të nisin dhe sfidat me eleminim direkt, të UEFA Champions League.
