Tifozët kroat dhe shqiptarë, me kërkesa më të shumtë për “EURO 2024”!
Federata Gjermane e Futbollit ka publikuar informacionin zyrtar për kërkesat e biletave për Kampionatin Evropian që do të organizojë vitin e ardhshëm. Pas tërheqjes së grupeve për turneun final, u bë e ditur orari dhe se cila kombëtare se ku do të garojë.
Sipas informacioneve zyrtare, më shumë kërkesa për bileta kanë marrë nga Kroacia, pasi dihet se tifozët e Kroacisë janë gjithmonë mjaft të shumtë.
Menjëherë pas tyre në këtë listë janë tifozët e Shqipërisë dhe Turqisë.
Ndërkohë gjermanët kanë marrë tashmë 2.3 milionë kërkesa për bileta për finalen që luhet në “Olympiastadion” të Berlinit, ndërsa 1.4 milionë për hapjen e turneut dhe takimit mes GJermanisë dhe Skocisë në Munih.
