Objektivi i Bayern Munich është gjithmonë një mbrojtës. Në merkaton e janarit, skuadra bavareze do të kërkojë një element që mund ta përforcojë më tepër.
Një nga emrat më të spikatur duket të jetë Ronald Araujo, mbrojtësi i Barcelonës, në “pole position” për merkaton dimërore.
Sipas asaj që raporton “Sky Sport De”, alternativë mund të jetë edhe Jonathan Tah.
Me Leverkusen që nga viti 2015, kontrata e mbrojtësit do të skadonte në vitin 2025, por, sërish sipas mediave, ai nuk duhet ta ndryshojë fanellën në janar. Xabi Alonso është i kënaqur me paraqitjen e qendërmbrojtësit të tij dhe nuk e lejon të largohet.
Është gjithashtu e paqartë nëse vetë lojtari do ta pranonte me dëshirë transferimin, duke qenë se aktualisht është në krye të Bundesligës me Xabi Alonson, ka humbur vetëm një ndeshje këtë sezon dhe tashmë ka shënuar 4 gola.
