Vetëm gjashtë muaj pas qëndrimit të tij me Al-Ahli në Arabinë Saudite, Roberto Firmino është raportuar se po kërkon të largohet nga klubi.
Vetëm tri gola janë shënuar nga 32-vjeçari në 17 paraqitjet e tij për Al-Ahlin. Lojtari legjendar i Liverpoolit tani e ka humbur vendin e tij në skuadrën e yjeve të drejtuar nga Matthias Jaissle dhe nuk ka nisur asnjë ndeshje që nga fundi i tetorit. “Mirror” raporton se Steven Gerrardi po kërkon të rikthejë Firminon së bashku me shokët e tij të vjetër të skuadrës në Liverpool, Jordan Hendersonin dhe Gini Wijnaldumin në Al-Ettifaq.
Gerrardi foli kohët e fundit për interesin e mundshëm për Firminon [nëpërmjet The Mirror]: “Padyshim që e njoh Bobby jashtëzakonisht mirë, kam qenë një tifoz masiv.
E kam ndjekur për vite me radhë. Për momentin, ai është lojtar i Al-Ahli, kështu që është shumë e vështirë për mua të komentoj atë situatë. Por unë e kam dashur Bobby Firminon që nga dita e parë që e kam parë dhe jam një fans i madh”.
Al-Ahli krenohet me një numër lojtarësh të rrëshqitur brenda radhëve të tyre, duke përfshirë ish-anësorin e Manchester Cityt, Riyad Mahrezin, Allan Saint-Maximinin, Edouard Mendyn, Franck Kessien, Gabri Veigan, Merih Demiralin dhe Roger Ibanezin. Liga saudite lejon vetëm gjashtë lojtarë të huaj në skuadër, kështu që shitja e brazilianit do të hapte rrugën për një tjetër blerje ndërkombëtare..
