Matteo Gabbia do të jetë përforcimi i parë i Milanit në merkaton e janarit. Lojtari nuk është një fytyrë e re në kampin kuqezi, pasi u huazua për një vit te Villarreal gushtin e kaluar. Furlani ka gjetur gjuhën e përbashkët me klubin spanjoll për një rikthim më të hershëm të mbrojtësit në Milano.
Gabbia u largua nga “djalli”, sepse kërkonte më shumë hapësira në aktivizim, por nuk ka kundërshtuar rikthimin te Milani. Mbrojtësi do të jetë në dispozicion të Piolit për ndeshjen e 7 janarit kundër Empolit, që është edhe sfida e parë zyrtare në kampionat pas hapjes së merkatos dimërore.
Milani dhe Villarreal kanë marrëdhënie të mira (erdhi Chukwueze në Itali dhe iku Gabbia në Spanjë) dhe klubet u ulën sërish në tavolinë dhe gjetën marrëveshjen për rikthimin e mbrojtësit te skuadra kuqezi.
Gabbia është aktivizuar në 13 ndeshje këtë sezon me spanjollët në kampionat dhe Europa League.
