Milani vazhdon të punojë për të arritur që të bëjë të vetin, që nga merkato e janarit, Serhu Guirasin.
Bomberi i Shtutgartit tashmë nuk është më një surprizë që pëlqehet shumë nga kuqezinjtë, për të marrë mbi të gjitha edhe trashëgiminë e Olivie Zhirusë, që tashmë ka plot 37 vite mbi shpatulla.
Nëse Shtutgarti i ka duart e lidhura për të mos frenuar sulmin e “djallit”, si rrjedhojë e faktit se klauzola e thotë qartë se duhen vetëm 17 milionë euro për prishjen e kontratës, tashmë duket se është vetë Guirasi që ka rritur pretendimet e tij.
Autori i 17 golave në Bundesligë është dakord që të firmosë me Milanin, por kërkon nga kuqezinjtë një pagë prej 5 milionë eurosh neto në vit, konkretisht atë çfarë fiton aktualisht Zhiruja.
Milani heziton, por njëkohësisht do të duhet të ngutet për të marrë një vendim. Kjo, pasi është mësuar se nuk janë të vetmit që interesohen për futbollistin.
Mediat angleze raportojnë se edhe Mançester Junajtid është gati të bëjë të tijin sulmuesin për t’ia vënë si alternativë në dispozicion trajnerit Ten Hag. “Djajtë e kuq” kanë financa të mjaftueshme pë të përmbushur kërkesat e Guirasi ndaj në klubin italian duhet të nguten për të mos humbur futbollistin.
