Një tjetër humbje për Manchester United, i cili nuk mundi ti japë vazhdimësi suksesit me përmbysje ndaj Aston Villas duke rënë 2:1 në fushën e Nottingham Forest. Pjesa e parë e ndeshjes u zhvillua në një ritëm të ulët, me pak raste shënimi.
Vendasit e nisën më mirë, por me kalimin e minutave, Djajtë e Kuq arritën të futen në lojë.
Në fishkëllimën e fundit të pjesës së parë rezultati ishte ende 0-0, por gjërat ndryshuan në pjesën e dytë: djemtë e Nuno Espirito Santo zhbllokuan sfidën në minutën e 64-të, falë golit të Nico Dominguez.
Mbërrin reagimi nga skuadra e Ten Hag dhe në minutën e 78-të Rashford shënon duke barazuar rezultatin, me asistimin e Garnacho. Megjithatë, në momentin më të mirë të miqve, Forest rikthehet në avantazh.
Në minutën e 82-të, një shpikje e Elanga hapi rrugën për Gibbs-White për të firmosur për 2-1.
Në dhjetë minutat e fundit, të kuqtë e Mançesterit u përpoqën në të gjitha mënyrat, por nuk arritën të arrinin golin e dytë, atë të barazimit. Përfundon 2-1, me Nottingham që ngjitet në vendin e pesëmbëdhjetë, me 20 pikë. United ngadalëson përsëri, i shtati me 31 pikë në renditje.
