Tifozët e Real Madridit janë mahnitur nga Arda Guler në debutimin e tij të shumëpritur, me disa që pretendojnë se ai tashmë është më i mirë se Lionel Messi.
Los Blancos e morën yllin turk Arda Guler nga Fenerbache gjatë verës për rreth 20 milionë euro. Fatkeqësisht, sezoni i 18-vjeçarit është penguar nga dëmtime të ndryshme dhe ai nuk ka mundur të debutojë gjatë gjysmës së parë të sezonit.
Guler u përfshi në formacionin titullar për ndeshjen ndaj skuadrës së kategorisë së katërt Arandina në fazën e 1/16-ave të Copa del Rey të shtunën. Ai bëri një paraqitje të mirë në debutimin e tij, duke luajtur 59 minuta ndërsa Real Madrid mposhti Arandinan 3-1.
Guler goditi edhe shtyllën me një goditje dënimi të shkëlqyer në minutën e 18-të. Ai realizoi 35 nga 39 pasimet e tij me një saktësi prej 90 për qind, krijoi dy raste të mëdha dhe fitoi tre duele.
Një video e Gulerit u shfaq në rrjetet sociale, ku ai shfaqi cilësitë e tyij dhe tifozët u emocionuan kur e panë këtë, me një që ka shkruar:
“Arda Guler është më e mirë se Messi”.
Një tjetër tifoz ka shkruar:
“Të gjithë do ta shohin një ditë, ai do të bëhet legjendë, i duhen vetëm më shumë shanse”.
Trajneri i Real Madridit, Carlo Ancelotti gjithashtu i thuri elozhe Gulerit, duke thënë:
“Ai luajti për një orë në një nivel të mirë. Është e qartë se nuk është rikuperuar plotësisht. Ai tregoi cilësinë e tij. E tregoi në pjesën e parë. Unë thashë se duhet të kemi durim me të.
“Ai ka personalitet, ka karakter. Është mirë. Ai dallohet për cilësinë që ka me këmbët e tij, por karakteri është gjithashtu i rëndësishëm për të bërë mirë në Real Madrid”.
Los Blancos do të rikthehen në fushë kundër Atletico Madridit në gjysmëfinalen e Superkupës së Spanjës të mërkurën, më 10 janar.
