Mesfushori i Newcastle, Joelinton, do të mungojë për të paktën gjashtë javë për shkak të një dëmtimi në kofshë. 27-vjeçari u dëmtua gjatë fitores 3-0 të “Magpies” në FA Cup kundër Sunderland, të shtunën e kaluar.
Braziliani ka bërë 23 paraqitje këtë sezon, duke shënuar tre gola dhe katër asist. Trajneri i Newcastle, Eddie Howe, tha: “Mungesë e madhe, pasi ai është forca jonë lëvizëse në mesfushë. Mungesa e tij është një goditje e madhe për ne“.
Newcastle do të përballet me Manchester City në Premier League në “St James’ Park” të shtunën.
Skuadra e Howe ka qenë e rrënuar me lëndime deri më tani këtë sezon, me Joelinton që u bë lojtari i 11-të që ka një periudhë të zgjatur jashtë fushës.
“Joelinton është një lojtar i rëndësishëm. Ai ka një problem me tendinën e tij në kofshë dhe është shumë i zhgënjyer. Ai dëshiron të luajë dhe të bëjë mirë”, tha Howe. Newcastle renditet i nënti në Premier League.
