Skuadra e Manchester United është ende në kërkim të një sulmuesi.
Emri më i fundit që qarkullon është ai i talentit 21-vjeçar holandez Brian Brobbey, që luan me Ajax.
Lojtari ka disa sezone që luan me Ajax dhe këtë vit ka realizuar 12 gola në 24 ndeshje (8 në kampionat).
Një lojtar që ndiqet me interes nga trajneri Erik ten Hag.
Ky i fundit e ka njohur lojtarin kur drejtonte Ajax, ndaj i ka kërkuar klubit të interesohet për ta sjellë në “Old Trafford”.
Gjithsesi, sipas “Daily Mirror”, ky mund të jetë një transferim që do të kryhet verën e ardhshme.
21-vjeçari holandez ka një kontratë deri në vitin 2027 me Ajax dhe kostoja e tij shkon 15-20 milionë euro. Brian Brobbey vjet debutoi edhe me kombëtaren e Holandës.
